Umhverfisstefna

Æ Þrif sérhæfir sig í reglulegum ræstingum, hreingerningum, gólfviðhaldi og tengdum verkefnum. Fyrirtækið byggir á fagmennsku, framúrskarandi þjónustu og heiðarleika. Þessi umhverfisstefna nær til allrar starfsemi Æ Þrif og allra starfsmanna þess.

Skuldbinding og lagaumhverfi

Æ Þrif uppfyllir viðeigandi lög og reglur sem varða umhverfismál. Fyrirtækið innleiðir og viðheldur einnig kerfum sem standast kröfur eftirfarandi staðla:

ISO 14001:2015 – umhverfisstjórnun
Svansvottun – norræn umhverfismerking

Markmið og áherslur

Aukin umhverfisvitund
- Hvetjum starfsmenn til að tileinka sér vistvæn vinnubrögð.
- Leitum stöðugt leiða til að fræða og minna á mikilvægi umhverfisverndar.
Ábyrg nýting auðlinda
- Veljum hreinsiefni og verkferla sem draga úr neikvæðum áhrifum á umhverfið.
- Vinnum markvisst að minnkun úrgangs og notum auðlindir skynsamlega.
Mælingar og umbætur
- Setjum fram mælanleg markmið til að draga úr mengun og kolefnisspori.
- Förum reglulega yfir árangur og leitum stöðugt tækifæra til umbóta.

Ábyrgð og innleiðing

Stjórnendur
Halda utan um innleiðingu og eftirfylgni með stefnu, fræða starfsmenn um umhverfisáhrif og tryggja að viðeigandi verkferlar séu virtir.
Starfsmenn
Sækja nauðsynlega fræðslu, vinna eftir settum verklagsreglum og stuðla sjálfir að umbótum með virkri þátttöku og ábendingum.